www.HAYOL.uz / N1 - Biz Bilan Xammasi Oson!

UNFPA балоғатга етмаган қизларнинг қанчаси

она бўлаётганини эълон қилди

Тошкентда БМТнинг Аҳолишунослик жамғармасининг (UNFPA) 2013 йил дунё аҳолиси тўғрисидаги йиллик маърузаси тақдимоти ўтказилди.

Бу йилги маъруза "Болаликдаги оналик: ўсмирликдаги ҳомиладорликнинг энг муҳим муаммолари" номи билан эълон қилинган бўлиб, эрта никоҳлар ва эрта ёшдаги ҳомиладорликнинг муҳим масалаларига бағишланди.

Ижрочи директори Бабатунде Осотимехиннинг фикрига кўра, ушбу маърузанинг мақсади ўсмирликдаги ҳомиладорлик муаммоларини бошқа ракурсдан ёритиб беришдан иборат, яъни бунда қизлар билан бевосита ишлаш орқали ҳал этиш ҳаракатларидан чекланиш зарур. Қизларнинг ҳуқуқларини ҳимоя қилиш ва уларнинг имкониятларини кенгайтиришга йўналтирилган янада кўпроқ чора-тадбирдларни қўллаш афзалроқдир.

Эрта никоҳлар ва улар билан боғлиқ ҳолда юзага келадиган эрта ҳомиладорлик глобал муаммо ҳисобланади: ривожланаётган мамлакатларда ҳар куни 18 ёшга тўлмаган 20 000 қиз она бўлмоқда. Умуман олганда ҳар йили она бўлаётган 7,3 млн. ўсмир қизларнинг 2 млн. нафари яъни 15 ёшгача бўлган қизлар ва айнан мана шу ёш гуруҳлари, эрта ҳомиладорлик билан, шу жумладан оналар ўлими билан боғлиқ жуда оғир тиббий ва ижтимоий оқибатлардан азият чекмоқда.

Аҳолишунослик жамғармаси мазкур муаммони ҳал этишга комплекс ёндашувни илгари сурмоқда. Бунда қизларнинг феъл-атворини ўзгартириш эмас, балки уларга нисбатан жамоатчиликнинг муносабатини ўзгартириш бўйича дастурларга таянмоқда ва қуйидаги йўналишлар бўйича ҳаракатларни амалга оширишга ундамоқда:

- Қизларнинг таълим олишига ёрдам бериш;

- Болалар никоҳини тўхтатиш;

- Жамиятнинг гендер тенг ҳуқуқлик масаласига фикрини ўзгартириш;

- Ўсмирларнинг репродуктив саломатлик борасидаги ахборотларни ва контрацепция воситаларига эга бўлишини енгиллаштириш;

- Ўсмир оналарга ёрдам бериш.