www.HAYOL.uz / N1 - Biz Bilan Xammasi Oson!

Юлдуз Усмонова катта саҳнадан қачон кетишини

эълон қилди

Ўзбекистон халқ артисти Юлдуз Усмонова 10 ноябрь куни янги медиа - марказ очилиши муносабати билан ўзининг янги альбомининг тақдимотини ўтказди, хонанда ва марказ раҳбари Сардор Комилов иштирокида матубот анжумани бўлиб ўтди.

Юлдуз Усмонованинг янги "Ёнингдаман" номли ўзбек тилидаги мусиқий альбомидан жами 15та қўшиқ ўрин олган. Қўшиқлар матнининг аксарияти Усмонованинг ўзига тегишли. Хусусан, "Дилфуза" номли қўшиқ конкрет бир шахсга қаратилган бўлиб, Юлдуз Усмонова ушбу куйни Озодбек Назарбеков билан бирга ижро этган.

Альбом "Оҳанг медиа" томонидан тайёрланган ва кечадан бошлаб барча садво шаҳобчаларига тарқатилди. Мухлисларга икки турдаги альбом тақдим этилади. Улардан бири фақат СД дискдан иборат, иккинчиси эса СД ва альбом ҳақидаги интервью, клип ўрин олган ДВД ҳамда қўшиқларнинг матни ва муаллифлари битилган китобчадан ташкил топган.

Шу куни кечки пайт "Дедеман" меҳмонхонасида мусиқий альбомнинг жонли тақдимоти ҳам ташкил этилди. Тадбирга ўзбек эстрадасининг таниқли вакиллари, Юлдуз Усмонова билан бир неча йиллар муқаддам бирга меҳнат қилган ижодий жамоа вакиллари, устоз санъаткорлар ва мухлислар ташриф буюришди. Унда хонанда барча қўшиқларини ижро этди ва уларнинг яратилиш тарихи ҳақида бирма-бир гапириб берди.

Шунингдек, йиғилганларга мурожаат қилар экан, ярим чин, ярим ҳазил тариқасида яна неча йил саҳнада ижод қилмоқчи эканлигини ҳам айтиб ўтди. "Бошим ерга теккунгача хизматингиздаман, насиб қилса 70 ёшгача саҳнадаман, кейин эса (ёш хонандаларга юзланиб) болаларим саҳнани эгалланглар деб айтаман", дейди халқ артисти.

Sana: 21/11/2024
Bo`lim:

Ko`rdi: 3364
Qo`shdi: Mexmon