www.HAYOL.uz / N1 - Biz Bilan Xammasi Oson!

Дунёнинг "энг виждонли” одамлари яшовчи шаҳар аниқланди

Яқинда АҚШда яшаш учун энг хавфли шаҳарлар рейтинги тузилганди. Мана энди аксинча, дунё шаҳарлари ўзига хос ахлоқий рейтинг бўйича баҳоланди.

Бунинг учун 16 та мамлакатда кармон билан боғлиқ тест ўтказилди, деб ёзади Британиянинг "The Daily Mail” нашри.
Унга кўра, ҳар бир шаҳарда одамларнинг кўзи тушадиган жойга оилавий фотосуратлар, алоқа учун маълумотлар ҳамда 30 фунт стерлингга тенг миқдордаги пул солинган 12 та кармон ташлаб қўйилган. Тест натижаларига кўра, 192 та кармондан ярмидан ками қайтарилган. Олинган натижалар турли шаҳарларда бир-биридан жуда фарқ қилган.

Хусусан, Финляндия пойтахти Хельсинки шаҳрида 12 та кармондан 11 таси қайтарилган, Лиссабонда (Португалия) эса фақат битта кармон ўз эгасига қайтиб келган. Уни ҳам голландиялик сайёҳлар қайтарган. Энг қизиғи, бу борада иккинчи ўринни қашшоқлар кўп бўлган Ҳиндистоннинг Мумбай шаҳри эгаллади. Бу ерда 12 та кармондан 9 таси қайтарилган. Фуқаролари молиявий жиҳатдан яхшироқ яшашига қарамасдан Швейцариянинг Цюрих шаҳрида бор-йўғи тўртта кармон қайтарилган.

Будапешт ва Нью-Йорк шаҳарларида саккизтадан кармон қайтган. Москва эса 7 та кармонни қайтариб, рейтингнинг бешинчи сатридан жой олди. Россия олигархлари ёқтирадиган Лондон шаҳрида 12 та кармоннинг бештаси ўз эгасига қайтарилган. Берлинда олтита кармон ўз эгасини топиб келган.

Хўш азиз ўқувчи, сиз бундай ҳолда қандай йўл тутган бўлардингиз?