www.HAYOL.uz / N1 - Biz Bilan Xammasi Oson!

Ким фақир? Ким эса бой?

Бир куни бадавлат ота ўғлини ёнига олиб, шаҳар бўйлаб саёҳатга чиқди. Давлатманд киши фарзанди билан ўтказадиган кичик саёҳати орқали ўғлига атрофдаги фақир кимсалар ҳаёти қандай кечишини кўрсатишни ният қилганди. Йўл-йўлакай улар кичик бир ферманинг жуда ночор оилаларидан бирида тун-у кун вақт ўтказиб, меҳмон бўлишди. Ота-бола саёҳатдан қайтгач ота ўғлини ёнига чақириб сўради:

- Хўш ўғлим, саёҳат қандай бўлди?

- Жуда ажойиб, отажон, — жавоб берди йигитча қувонч ва мамнуният билан.

- Бизнинг уйимизда бир дона зотдор ит боқилади, улар эса тўртта оддий ит қорнини тўйдиришаркан. Ҳовлимизда деярли ҳар куни суви алмаштириб туриладиган катта фавворамиз бор, бироқ уларнинг шундоққина ҳовлиси этагидан охири кўринмас сой оқиб ётибди. Ҳашамдор уйимизнинг ҳар бурчагида, дунёнинг турли қисмидан келтирилган қандил ва чироқлар бутун кошонамизни ёритиб туради. Аммо у хонадон эгалари учун кўкдаги юлдузлар милт-милт ёниб, ой-у қуёш кеча-ю кундузига зиё беришини кўрдим. Бизнинг ички ҳовлимиз қўшниларимизнинг ташқи ҳовлиси майдонидан икки баравар каттадир, аммо уларнинг пойида чегара билмас бутун яланглик ястаниб ётибди.

- Менинг ўзим истаган ҳамма нарсам, деярли ойлаб кўришмасак-да, асосийси — давлатманд отам бор, сизнинг эса туганмас, аммо бир учқун гулхандан бир сиқим кулга айланувчи қоғоз пулларингиз. Биз борган хонадон эгаларида деярли ҳеч нима йуқ. Бироқ… улар бахтли! Негаки, уларнинг меҳр тўла кўзлари ва борига шукур қилиб, яхшиликка умид қилувчи қалблари бор. Отажон, нақадар қашшоқ ва ночор эканлигимизни менга кўрсатганингиз учун раҳмат!

Инглиз тилидан Шаҳноза Ашурова таржимаси

Sana: 07/01/2025
Bo`lim:

Ko`rdi: 1999
Qo`shdi: Mexmon